Për mue paska ken’ kismet

January 29, 2013

Për mue paska ken’ kismet

Me ken’ ti, paska ken’ kismet,
e tjera kuej,
mbasi të due, ban merhamet,
edhe mue mue më duej.

Seç t’vegova, më ra të lig,
humba e s’qeç insanë,
se e pash’ mir’ që s’mund t’dal açik,
ty, moj zojë e randë.

Kah’t shof, syt s’po mund t’i dajë,
e gojet kurr nuk të lëshoj,
por po merrem mbushun me vaj.
Ah, si s’po mbaroj!

Vendi n’vend nuk po më zihet,
humba e shkova dam,
pa t’pa ty, lule, s’më rrihet,
Ah, moj, ku të kam!

—————-
Kjo këngë e krijuar nga Palokë Kurti, muzikant i njohur shkodran, pasqyron historinë e dhimbshme të dashurisë së dy të rinjve. Djali i dashuruar merr pjesë në dasmën e vajzës që donte ku i dhuron edhe këtë këngë, që është bërë shumë popullore në qytetin e Shkodrës.

Advertisements

Permalink