April 8, 2014

N’penxherenë e zotris’ sate

Posted in Këngë dashurie, Këngë Përmetare tagged , , , , , , , at 6:33 pm by lirikashqiptare

N’penxherenë e zotrisë sate
o moj sate o bobobo oiiii
ta ka zënë pema jeshile
o jeshile, o bobobo, oii

O hyn e del ke porta
jashtë o moj une i mjeri, oiii
më tund të shkretën shami
Hyn e del ke porte
jashtë unë i mjeri, obobo, oiii
më tundje të shkretën shami

Tu rritën o cicat t’u rritën, obobo, oiii
rrush papjekur aguridhe, obobo, oiiii
Po kur të hapa xha-moj-xhamadanin
unë i mjeri obobobo, oiii, oiiii
të gjeta moj qumësht dallandyshe
o bilbil oooo…!

March 15, 2014

Shaminë të murrme

Posted in Këngë Përmetare tagged , , , , , , , at 9:18 pm by lirikashqiptare

E moj shaminë të murrme,
të murrme moj
dy gisht përmbi vetull,
mbi vetull
nuk të njohjta dot,
eh dot o moj
gështenjë e papjekur

Eh moj tre herë në ditë,
oh në ditë moj
m’i ndërron fustanët,
fustanët moj
njëherë vesh të kuqtë
njeherë vesh të bardhë

Ah ky trupi yt,
i yt oh moj
purtekë e dyfekut
e dyfekut moj
ta kam bërë hallall
e Zoti të ka derdhur

March 9, 2014

Bandill të paçim

Posted in Këngë Përmetare tagged , , , , , , , , , at 4:49 am by lirikashqiptare

O bandill, bandill o
të paçim sa malet-e
Pse s’më vjen një natë mor
të qajmë hallet, mor hallet-ë
Dëgjove, bandill pse s’ke ardhur?

Mos më hajde ditën
po më hajde mor natën-e
S’e na shohnë bota
edhe zënë e flasën-e

O bandill, bandill o more i tërbuar-e
tërë natën e natës më ke mbajtur mor zgjuar-e
si qebap kafeje më ke rrotulluar-e
s’më le vend pa puthur edhe pa kafshuar-e

March 5, 2014

Prapa shtëpisë

Posted in Këngë Përmetare tagged , , , , , , , , , at 4:03 am by lirikashqiptare

Prapa shtëpisë te fiku
dil mike se të do miku
Dil mike, apo s’më do?
s’e unë s’jam i vogël-o
S’e unë s’jam i vogël-o
njëzet vjet pa sosur-o

Të njëzetë vjet i sosa
djalërinë dot s’e ngosa
u bë bela qafërosa
sa dilnje ti tek porta
sa dilnje ti tek porta
a të vij, hajde i thosha

Ku të të shpie lanete
atje ku do veç o përvete
dua lodra, dua qejfe
më ke bërë ti o përvete
Atje ku do veç o përvete
dua lodra, dua qejfe
më ke bërë ti o përvete…

January 30, 2014

Ç’deshe që erdhe në krua

Posted in Këngë Përmetare tagged , , , at 5:43 pm by lirikashqiptare

Çupë gjashtëmbëdhjetë
mjeri, i mjeri unë
ç’deshe që erdhe në krua?

Ç’deshe, ç’deshe që erdhe në krua
Ç’deshe, ç’deshe që erdhe në krua

Apo duke patur pusin
brënda në oborr i mjeri
ç’deshe që erdhe në krua?

Ç’deshe, ç’deshe që erdhe në krua
Ç’deshe, ç’deshe që erdhe në krua

Apo duke cëngërisur
gjymet i mjeri unë
isharet më jepnje mua-e

Ç’deshe, ç’deshe që erdhe në krua
Ç’deshe, ç’deshe që erdhe në krua

Shënim: kënga është në fund të emisionit

January 27, 2014

O moj lule

Posted in Këngë Përmetare tagged , , , , at 4:36 am by lirikashqiptare

Apo ngrehu o moj lule
o moj lule
lule ngrehu moj
ngrehusapo flejte
sapo flejte moj

Se o moj unë do të shkoj moj
large o moj në kurbet-e
Se o moj unë do të shkoj
large o moj në kurbet-e

Lule përditë do t’dërgojë-e
një tufë me borzilokë
borzilokë-e moj
ti marrsh erë të qash
o me lotë moj
tu marrsh erë të qash
o me lotë moj

April 16, 2013

Ç’u ngrit lulja në mëngjes

Posted in Këngë Përmetare tagged , , , , , , , at 11:17 pm by lirikashqiptare

Ç’u ngrit lulja moj në mëngjez
ç’u ngrit lulja moj në mëngjez
moj duke larë sytë e zezë
moj duke larë sytë e zezë

Oh ç’i ra baçes moj mes për mes
oh ç’i ra baçes moj mes për mes
moj këput trëndafil me vesë
moj këput trëndafil me vesë

Moj ç’i do lulja trëndafilat
moj ç’i do lulja trëndafilat
të gënjejë moj bandillat ee
ah të gënjejë moj bandillat ee

Merak më bëre

Posted in Këngë Përmetare tagged , , , , , , , , , , , at 9:47 pm by lirikashqiptare

E merak o moj më bëre
rrugës kur më shkonje
sevdaja o s’më hiqet ee

E merak o moj më bëre
llafet kur m’i thoshe
sevdaja o s’më hiqet ee

E merak o moj më bëre
leshërat kur krihje
sevdaja o s’më hiqet ee

E merak o moj më bëre
sytë o moj kur mi shtinje
sevdaja o s’më hiqet ee

E merak o moj më bëre
rakinë kur pije oh
sevdaja o s’më hiqet ee

E merak o moj më bëre
në krevat o moj kur flinje
sevdaja o s’më hiqet ee

April 12, 2013

Vate djalëria vate

Posted in Këngë Përmetare tagged , , , , at 4:10 pm by lirikashqiptare

Vate djalëria vate
qëkur vure brisk
more në faqe.

Të kesh mallë
të flesh me gunë
se djalë nuk bënesh kurrë
Se djalë nuk bënesh kurrë
thotë nusja jam ore me burrë

Nuk llafosesh me vasha në krua
se të thonë je me grua
se të thonë je me grua
erë limoni more dhe ftua

Seç u gdhi dhe ra sabah
çu ngrit kolopuçeja
çu ngrit moj kolopuçeja
kembë e duar flutura

O dhëndërr ku vete kështu

Posted in Këngë Përmetare tagged , , , , , , , , , , , at 4:01 am by lirikashqiptare

O dhëndërr ku vete kështu
o dhëndërr ku vete kështu
po gjer tek nusja kam pak punë
po gjer tek nusja kam pak punë

Po gjer tek nusja vajta vetë
po gjer tek nusja vajta vetë
po do ta marr ta kem për jetë
po do ta marr ta kem për jetë

Pjergullë moj pjergullë
pjergullë moj pjergullë
po ç’maraz të ka mbetur
po ç’maraz të ka mbetur

Po shkojnë djemtë e zgjedhur
Po shkojnë djemtë e zgjedhur
mustaqet përdredhurë
mustaqet përdredhurë
po marrin moj gjak në vetullë
po marrin moj gjak në vetullë

Next page

Follow

Get every new post delivered to your Inbox.